Upuan

tapos na ang mga araw ng pagluha ko

tinapos ko na ito

kahit masakit, kahit mahirap, kailangan

may mas maliwanag pang daan sa may kanto, di ko pa naaabot

maya-maya siguro naroon na ako, konti na lang

mabagal pa ang paglakad ko, masakit pa kasi ang binti ko

matagal ko na rin itong naramdaman pero iniinda ko lang

maghapon akong nakaupo lamang at parang wala lang

ngunit nagdesisyon akong tapusin na ang lahat ng paghihirap ko

masarap pala maglakad kahit malubak ang daan

kahit masakit pa ang binti ko, kailangan nang sanayin para humilom

tingnan mo, maya-maya, nasa may kanto na ako

doon, mas maliwanag, mas masaya

wala ng luha, wala ng sakit at pait..

paalam na sa upuang matagal ko nang nakasama,handa na akong lisanin ka..